( قصّة الدمعه )
ألا يا مل عينٍ في سهرها = تهل الدمع من موق امحجرها
وعيّت لا تبات ولا تريّح=طوال الليل .. وتهاجي قدرها
وأنا اللّي عارفٍ حكم المقدّر = يصيب الناس لو زادت حذرها
وأنا راضي وقانع في نصيبي = ولي عينٍ يقدّيها نظرها
ألا يا الله تحّقق لي مرادي = وفرّح عيني بفرقا كدرها
أنا فـ الوقت ذقت من العزاير = مذاق السم مير الله سترها
ثلاث سنين وشهورٍ زياده = وعيني عاضت النوم بسهرها
وصبرت وقلت فـ الصبر إنفراجه= هقيت الصبر لا طالت .. قصرها ..!
وأثرها لو في يومٍ وليله = تزول المشكله .. صبري عمرها
صبرت سنين وشهور وليالي = ولا زالت حياتي في خطرها
على اللي صابني بأوّل شبابي = من الأيّام وعزومي كسرها
ولو إنّي بغيت أجبر عزومي = تعبت ولا لقيت اللي جبرها
ليا قلت الغمامه تب تزولي = لقيت الزود ينبع من نحرها
وإلى قفّت مصيبه عن دروبي = أشوف الثانيه تمشي بأثرها
وتبقى ( قصّة الدمعه ) تجدّد = ولا غير الولي يعلم خبرها
وسلامتكم
وأتمنى تكون عجبتكم
تحياتي : دمعة حزينة
موضوع: ( قصّة الدمعه ) 
الجمعة يوليو 04, 2008 4:26 pm
